✨各位媽媽們 母親節快樂✨
踏入人生第二個母親節
剛好經歷了 為b 開始副食品的一年
由糊仔又間中BLW 到自己用羹食飯
試過辛苦完一大輪
- 又唔想餐餐一樣 但諗唔到可以整咩
- 諗住BB 瞓左 可以煮得舒服d 点知煮到一半BB醒
- 一路煮飯BB不停扭計要你抱
(堅係試過一手抱B 一手煮飯🙈)
- 到BB 識行識走 就會跟入廚房搗亂
(試過佢攞到包麵粉 一野倒落地 媽媽的白色恐怖😱)
- 唔入廚房BB 就不停拍廚房閘 喊得慘過鐘嘉欣
- 到佢唔喊 又驚佢响廳唔知做緊乜 不時要探頭觀望
終於辛苦整完餐飯 BB食左幾啖開始推碗 唔食
又或者 用手玩d食物 玩都周圍係 一擔心機就咁就無左 最後係由地板完全接收😭
(以上過程每日重複兩次 尤其全職媽媽應該會有更深切體會)
經歷過失敗也有氣餒的時候
而每次煮到一餐你鍾意的飯菜 你係完全清哂
果種滿足感同成功感 又係無可比美
每當見到BB開心食嘢個樣 又真係咩都扺返哂
好彩有家人同朋友支持
(老公會幫手抹地做家務 朋友們又會send d新食譜過我)
所以各位剛起步靚媽們 都要一齊努力 💪🏻
Search